影片
更多
2019-04-07
4046 浏览
今日有庆祝活动，所以就一行7人去沙田食自助餐！我地6点钟就去到，第一时间就食海鲜先！全部海鲜都唔错，几新鲜，最好味系大青口，唔会觉得系摆左出黎好耐。跟住就排队攞龙虾，有两款汁可以拣：一款系日式西京汁，另一款系芝麻汁。其实个职员无问到个客人想要咩汁，初初唔知道有两款，原来要自己话俾佢听想要咩汁既。两款味道都唔错，各有棒场客，我自己就钟意西京汁多d喇！龙虾肉都算唔错，几弹牙。跟住就食刺身同埋寿司，我净系食左三文鱼刺身同埋和牛寿司，三文鱼好肥美，和牛寿司就唔算话太特别。热食就有炸野、咖哩鸡同埋汤面，其实仲有一行热食，不过我无影到😅炸野我食左吉列牛堡，本身以为会好香牛味，点知都系麻麻地，食左一半就无食。汤面都食左个菜，有两款汤：一款牛乳汤，一款蕃茄汤，我就觉得牛乳汤好味d, 不过又有人话个牛乳汤好腥。食食下听到d 铃铃声，原来佢会有表演，就系将呢个士多啤梨波溶左，入面会有d棉花糖跌落黎！睇就真系几好睇😅佢地仲会失手添架😅出面既士多啤梨壳会跌左落地🤣佢表演完可以排队拎佢既棉花糖，不过就真系好甜好甜好甜啰🤣🤣跟住就有行去甜品柜，都有好多款式，不过我本身唔太好甜品，所以净系食左芒果巾甸同埋法式焦糖布
我地6点钟就去到，第一时间就食海鲜先！
全部海鲜都唔错，几新鲜，最好味系大青口，唔会
觉得系摆左出黎好耐。
跟住就排队攞龙虾，有两款汁可以拣：一款系日式西京汁，另一款系芝麻汁。
其实个职员无问到个客人想要咩汁，初初唔知道有两款，原来要自己话俾佢听想要咩汁既。两款味道都唔错，各有棒场客，我自己就钟意西京汁多d喇！龙虾肉都算唔错，几弹牙。
跟住就食刺身同埋寿司，我净系食左三文鱼刺身同埋和牛寿司，三文鱼好肥美，和牛寿司就唔算话太特别。
热食就有炸野、咖哩鸡同埋汤面，其实仲有一行热食，不过我无影到😅炸野我食左吉列牛堡，本身以为会好香牛味，点知都系麻麻地，食左一半就无食。汤面都食左个菜，有两款汤：一款牛乳汤，一款蕃茄汤，我就觉得牛乳汤好味d, 不过又有人话个牛乳汤好腥。
棉花糖蛋糕
61 浏览
0 赞好
0 留言
食食下听到d 铃铃声，原来佢会有表演，就系将呢个士多啤梨波溶左，入面会有d棉花糖跌落黎！睇就真系几好睇😅佢地仲会失手添架😅出面既士多啤梨壳会跌左落地🤣佢表演完可以排队拎佢既棉花糖，不过就真系好甜好甜好甜啰🤣🤣
跟住就有行去甜品柜，都有好多款式，不过我本身唔太好甜品，所以净系食左芒果巾甸同埋法式焦糖布丁，呢两个都几好食啵！
至于雪糕就系movenpick, 不过就无tiramisu 味，我就试左士多啤梨味同咖啡味，士多啤梨味就酸过龙，但咖啡味就几浓几好味！
最后食到咁上下，会有人派张咭仔俾你，每人一张，凭呢张咭就可以出去拎一个炖蛋，味道就普普通通啦，未去到会想再拎多个黎食啰😅
今次因为用左恒生咭，所以有65折，如果用正价黎食，我就觉得唔太抵食喇，因为本身谂住会有生蚝同羊架，点知两样都无，就有少少失望，野食都只系普普通通，未去到会想食第二次。
张贴
