相撲手日式放題 (已結業)

今晚又同班老友聚餐，今次去左相扑手食日式放题，呢度简简单单既装修，座位舒适，侍应服务态度都唔差！ 呢度食物款式好多种类，好多选择，刺身，寿司，卷物，炸物，串烧，天妇罗，烧物，沙律，前菜，真系样样有，甚至连汤同甜品都有，满足晒我地班大胃王！刺身款式都算多，我地点左三文鱼都几厚肉&新鲜肥美，油甘鱼都鲜味，马刀贝口感爽甜唔错，带子鲜甜好味，玉子旦&剑鱼腩同吞拿鱼不过不失，值得一提连生蚝都有，大大只好肥美好鲜唔腥都几好食！烧物中，烧蚝都好好味，面头放左d芝士，烧都岩岩好唔会过㶶，美味可口，食多几只都唔觉得漏！ 盐烧多春鱼，烧既时间都控制得好好，烧到岩岩好熟，唔会太干身，亦唔会过咸！炸物，大八爪烧，外脆里面好弹牙，芝士春卷脆卜卜，香浓芝士配春卷一齐食好夹，炸海老炸得金黄香脆，亦非常唔错！最后甜品焦糖炖蛋，热热地甜度岩岩好，我个人就非常钟意食，另外个个就不过不失！