小明珠

呢间餐厅冇酒楼咁贵，又唔似大排档/一般茶记咁普通，食物质素都几高。晚饭两个人嚟食几碟已经好满足又好饱。冷盘叫咗个醉猪手$78第一次食醉猪手，平时醉鸡就食得多，猪手切成一件件好易夹好易食，而且酒味浓度刚刚好，份量亦都恰到好处好开胃蛋豆腐时蔬类就叫咗凉瓜炒木耳$88啲凉瓜虽然硬，但唔系话好苦，炒得好爽，食落系甘香嘅，去埋啲木耳，感觉健康，素食者应该会喜欢饭面类嘅台湾红烧牛肉面$58虽然食落同睇落都同平时啲台湾餐厅食到嘅差唔多，但系啲牛肉就好食好多啦，够晒入味同埋松软招牌小笼包四只 $45自家台湾冬瓜茶 $10豆浆 $10大大杯今餐之中，个人嚟讲最钟意食就系小笼包同埋醉猪手，小笼包好多汤汁，热辣辣，外皮都算薄，而且比一般过去食嘅都大粒如果唔知食咩嘅，不妨叫一笼嚟食下，零中伏餐厅地方唔大，气氛热闹，因为啲枱都近，唔怕嘈嘅嚟呢度同班朋友高谈阔论都几开心，够晒接地气如果揸车嚟嘅话附近都有地方泊