大餃子 (已結業)

铜锣湾渣甸街一向多嘢食，今日经过见到有大饺子，见自己亦都 一段时间冇食饺子就入咗去试。今次系食lunch就order咗滋味配搭B餐，有四粒饺子可以选择，我就拣咗牛肉大葱饺子，另外有一碗四川担担面，因为比较肚饿及听咗员工嘅推介叫咗一份口水鸡。牛肉大葱饺子超新鲜牛肉味，配埋大葱系一个好好嘅配搭，因为大葱可以解腻同埋好有东北嘅风味，担担面汤底少少辣但系花生酱味浓郁，配埋烟韧嘅面条绝对系回味无穷。而最值得推介系口水鸡，有少少麻辣配埋特制嘅酱汁，最紧要口水鸡系无骨而且鸡肉特别滑嫩，我一定会再嚟食大饺子！