餃掂手工餃子雲吞專門店

饺子口味多 而且味道鲜明唔会好类同～～～收工心血来潮想食饺 就捉咗大旧来舍胃陪君子🥟点解话系舍胃？😁 因为我次次都会叫到成枱都系唔同口味嘅饺 然后最后食得太饱就会叫佢包底😆～～～睇过餐牌之后 今次嚟到就叫咗三种饺 包括系🌶️麻辣猪肉饺 🌽粟米猪肉饺 同埋🐉龙凤松茸双灼饺 由于喉咙痛嘅关系 今次就全部都要汤🥣唔要煎 不过就算汤都好 佢哋嘅汤底都有唔同嘅花款 粟米猪肉饺同埋龙凤松茸双灼饺 都系配状元九鼎汤 麻辣猪肉饺就系配麻辣汤嘅🌶️～～～🥟三款饺子全部都各有千秋 就算你攞住支枪指住我叫我拣一款最钟意嘅 其实我都真系拣唔到😛首先先讲下麻辣饺 麻辣辣得好入味 调味好特别 系一种无法取替嘅味道 而粟米猪肉饺我亦不能放弃 香香甜甜嘅口感 感觉非常清新 最后龙凤松茸双灼饺 之所以次次都要叫 系因为香港地实在唔多地方食到呢一只口味嘅饺子 所以钟意黑松露嘅我 每一次过嚟都总要叫返碟黎食下～～～除咗饺子🥟之外 佢哋嘅四川凉面🍜都系我一再encore嘅食物 非常弹牙嘅口感冻冰冰消暑一流 系呢一个仲未变秋凉嘅季节 仲系非常之适合食呢一个凉面 食完成个人凉浸浸好舒服一啖面再打一口甜蜜蜜蜜饯鸡翼 令人感觉非常满足