餃掂手工餃子雲吞專門店

突然间心瘾起想食饺子就叫埋男朋友一齐去食饺子，之前都去过太子𠮶间分店，今次喺港岛区就去中环呢一间分店，中环分店舖头细细，但系好多人帮衬啊，七点几去到都要等一阵位。一打开餐牌见到好多款饺子都好吸引，我自己钟意食水饺，男朋友钟意食煎饺，所以都叫咗几款。我最钟意呢度嘅水饺嘅，原因系佢嘅汤底好特别。水饺就叫咗元贝猪肉饺，用舖头特制嘅汤去煮水饺，「状元九鼎汤」用咗唔同材料去熬成嘅一碗汤，味道好鲜甜配饺子好搭。 元贝猪肉饺一边材料都好丰富我自己觉得𠮶浸元贝味好出，平时嘅饺子都唔会有呢一种味，系好香嘅海味味！😁😁.男朋友就想食至尊松茸猪肉饺，松茸再加埋猪肉嘅香味，好特别，加上饺皮够薄，煎到好香脆。.天气咁热就叫咗一个四川凉面食，食完估唔到系最令我惊喜嘅一碟！叫咗一个小辣版本，辣辣地配上青瓜同麻酱，好开胃，面条好弹性，十分推荐！😍😍.仲要有重庆鲜肉云吞，汤底系麻辣汤，呢度嘅云吞比起外边嘅云吞，比较大粒，云吞皮有嚼口，配埋我最钟意嘅芫荽，一口一啖，好爽！叫咗小食 蜜饯鸡翼，非常美味。蜜饯甜度适中，令人一试难忘。值得推介。 食水饺同云吞我自己个人钟意配豆浆😆😆，所以叫咗一杯豆浆同埋蜂蜜柠檬薏米水，笑一笑暑