影片
更多
2023-10-31
357 浏览
本身就係一個餃子控，有時候都會喺屋企自己包餃子食。當然一定冇出面咁好食。但要數到出邊嘅餃子店，餃掂係我食過幾出色嘅煎餃。餃掂都有唔少分店，之前喺其他鋪都食過，而將軍澳分店就係我第一次幫襯。餐廳主打食材新鮮，即叫即煎，所以都要等十幾二十分鐘先會食到餃子，所以想食好嘢真係唔可以貪快。麻辣松花皮蛋$25皮蛋有糖心效果，亦都夠入味。龍鳳松茸煎餃 $147 十二隻佢最出名有龍鳳松茸餃，採用野生松茸，將名貴食材普及化，加入去餃子裏面真係好香口。每一隻餃子都脹卜卜，餡料夠多，豬肉肉質軟腍偏瘦，比較有口感，當中加入白松露和黑松露，營養價值豐富。餐廳有菜脯豆豉醬，菜脯爽脆，而且都夠辣，點餃子好好食。韭菜豬肉餃$60 十隻繼松茸餃之後，韭菜豬肉餃，亦都係我必推。估唔到韭菜豬肉餃都有爆汁效果。餐廳採用本地細韭菜，重味不黏牙，韭菜味道濃郁，好爽脆，鍾意食韭菜嘅人一定鍾意。最正嘅係外面嘅煎餃多數只會煎底部，但呢度係煎雙面，所以係更加脆口，同更有心思。四川涼皮$32始終我哋食煎餃，所以都帶少少油，食返個涼浸浸嘅四川涼皮，酸酸辣辣，感覺清新解膩。最後食完行出店舖，個口都仲成陣韭菜味，真係好正！
餃掂都有唔少分店，之前喺其他鋪都食過，而將軍澳分店就係我第一次幫襯。
餐廳主打食材新鮮，即叫即煎，所以都要等十幾二十分鐘先會食到餃子，所以想食好嘢真係唔可以貪快。
麻辣松花皮蛋$25
皮蛋有糖心效果，亦都夠入味。
龍鳳松茸煎餃 $147 十二隻
佢最出名有龍鳳松茸餃，採用野生松茸，將名貴食材普及化，加入去餃子裏面真係好香口。每一隻餃子都脹卜卜，餡料夠多，豬肉肉質軟腍偏瘦，比較有口感，當中加入白松露和黑松露，營養價值豐富。
餐廳有菜脯豆豉醬，菜脯爽脆，而且都夠辣，點餃子好好食。
韭菜豬肉餃$60 十隻
繼松茸餃之後，韭菜豬肉餃，亦都係我必推。估唔到韭菜豬肉餃都有爆汁效果。餐廳採用本地細韭菜，重味不黏牙，韭菜味道濃郁，好爽脆，鍾意食韭菜嘅人一定鍾意。
最正嘅係外面嘅煎餃多數只會煎底部，但呢度係煎雙面，所以係更加脆口，同更有心思。
四川涼皮$32
始終我哋食煎餃，所以都帶少少油，食返個涼浸浸嘅四川涼皮，酸酸辣辣，感覺清新解膩。
最後食完行出店舖，個口都仲成陣韭菜味，真係好正！
张贴
