餃掂手工餃子雲吞專門店

香港既夏天有时热到真系冇咩胃口，一日三餐食粉面饭都几闷下，所以我有时都会转下食饺子，比多个选择自己。而呢间饺子店平时系九龙区都食开，冇谂过今日入到宝琳都系呢度见到佢既分店。我唔系呢区既街坊，不过相信佢个位置都几方便，因为就系地铁站上盖既商场。呢度唔算好大，座位都可以一眼望晒，不过都叫坐得阔落舒服。Menu呢度既饺子款式比一般饺子店多，除左基本既馅料，仲有d fusion饺子。另外，都会有其他面食同小食。龙凤松茸饺$98呢个龙凤松茸饺应该就系镇定之饺，分左汤饺同煎饺两种，今晚我就食左煎饺，佢个卖点就系系猪肉馅料入面分别加左黑松露同白松露，认真咁睇下只饺，其实都可以系佢透薄既饺子皮睇到入面有黑色d既就系黑松露，浅色既就系白松露，馅料十足，食落会有阵阵松茸香，肉汁饱满粟米猪肉饺$45今次呢个粟米猪肉饺我就拣左汤饺，跟个状元九鼎汤，个汤饮落好浓粉葛同红萝卜味道，清而味甜，如果嫌味淡，可以自行落调味吊多d味道出黎