有得餃 (已搬遷) 新店位置

同朋友睇完TOY STORY 4出去元朗睇下食D乜野当晚餐，去到元朗都十点几，到最后决定去有得饺食饺子面。本身自己很喜欢食饺子，而之前亦都有帮趁过食佢地既饺子。饺子有很多款式，每只饺子都涨卜卜，皮不会很厚而且馅料很足。去到门口，店舖入面坐满人，而门口外面开左两张折枱坐满客人。因为是夏天，而近排天气好热，我地一直都只想坐店舖入面凉冷气，但老板娘话唔知要等几耐，不如喺门口外面开张折枱比我地坐住等，店舖内一有位就帮我地转枱，而我地亦都同意，不过因为实在太热，order左饺子面后，一直都无心机叫小食住。可能店舖内太忙，原本我地望到有人埋单走人，我地起身想行入店舖内，点知比一对刚来的情侣打尖坐左入去，我地真系劲无耐奈。到最后等左差唔多十分钟，终于都有人埋单走人，而我地亦都好醒目地，即刻拎住只酱汁碟入去坐低。其实店舖内的冷气都不够凉，但总好过门口出面无冷气。我地坐定定之后，就叫多左个醉鸡翼及野饮。可能是因为是宵夜时间吧，本身店舖不大，坐位较少，所以很快就会满座。不过我地用膳其间，有好多人帮趁外卖。事实上佢地既饺子质素唔错，而且一直保持到水准，我以后亦都会继续帮趁。