甜記餃子 (已搬遷) 新店位置

自从有次同同事黎试左呢度既汤饺后，就一直对佢念念不忘，但奈何小店同office有段距离，所以一直未有再黎。今晚系附近食左个好难食既晚餐，令人心情低落😔，所以决定要黎食甜记饺子，取悦下自己先得😆。之前试过佢既汤饺，今次就试煎饺，再加个小食。韭菜猪肉拼洋葱牛肉煎饺十只 ($44)饺子煎到表面金黄，卖相吸引。饺子皮仍然很薄，食落唔会觉得成口面粉，不过金黄色既皮唔脆，估计油温唔够，令饺子皮吸油多左而变淋，油腻感亦高左。韭菜味香浓，菜肉比例岩岩好，配埋小店自家制虾米菜脯食最正。洋葱牛肉饺相对无咁饱满，洋葱清甜，牛味偏淡。个人认为呢度既汤饺比煎饺好味。麻辣鸡肾 ($24)鸡肾爽口弹牙，配个又麻又辣既酱，非常惹味!! 以呢个价钱非常抵食。