大餃子 (已結業)

天气冻冰冰，食返碗热辣辣既饺子就岩哂!今日去左铜锣湾行街，经过渣甸街见到新开左间饺子店，叫“大饺子”，装潢明亮简洁，店员亲切友善，一于试下先!饺子卖点为现包，唔做隔夜馅叫左京芹猪肉饺子，有6只同10只可选。粒粒皮薄馅靓，好香京芹味，口感爽脆，鲜味十足。红油抄手口感扎实，啖啖滑嫩鲜美，特制酱汁麻辣酸甜，滋味开胃!韭菜银芽炒面炒得干身入味又唔会太油腻，配以韭菜银芽，增添口感层次。口水鸡已去骨啖啖肉，鸡件嫩滑多汁，秘制麻辣香油，辛麻又鲜香!油菜拣左蚝油芥兰新鲜翠绿好爽嫩。