龍鳳祥餃子館 (已結業)

作为一个好钟意食饺子嘅香港市民，香港有咁多间饺子店，都唔知试到何年何月先试得晒⋯今次嚟到佐敦，一于试一试呢间网上有唔少好评嘅饺子店先。因为去到嘅时间未到普通晚饭嘅时间，所以铺头入面冇乜客人。而因为冇乜客人嘅关系可能，个冷气仲冻过雪柜⋯不过只要有热嘅嘢食，冷气开几大都唔再紧要！因为冷气太冻嘅关系所以好快就决定到要食乜，一定系可以暖身嘅羊肉饺子～另外再叫咗牛展冷面同埋酸辣汤！上菜嘅时间都相当有效率，不过如果铺头冇人都慢嘅话咁就真系唔系太正常嘅⋯佢呢间嘅豆瓣酱我几钟意，同埋个羊肉煎饺都真系相当之唔错！本身以为其他菜式应该普普通通，但系佢个牛展拉面嘅牛展我觉得做得相当之唔错～好林同埋好入味。个酸辣汤都相当足料，入边可以捞到好多豆腐同埋木耳。下次再同大家分享其他饺子店嘅食后心得。