餃餃餃子 (已結業)

一向无饭瘾，喜欢食面食粉食饺子，饺子之中，无论韩式、北方、港式，日式各有其美味，得知有这一家专食日式饺子的店，一定要黎朝圣啦！活乳酸烧酎梳打$36: 乳酸味好出，又唔会过甜，烧酎酒味唔太浓，易入口，但叫左少冰仍有不少冰。塩曲新鲜椰菜$20: 喺日本都有食呢个椰菜，几乎一样嘅风味，椰菜好爽口，有塩曲调味有点咸味。日式牛筋豆腐煮$38: 有少少辣，对我黎讲啱啱好，牛筋似是较淋的牛肉粒，唔系牛筋腩果只牛筋，豆腐几滑但唔多，仲有两粒䈮蒻都几入味。京都九条葱饺子$28: 九条葱系京都名物，仲见到有优惠价，立即要叫一客，馅由葱同猪肉混合成，葱味几鲜香，够嫩，但未有想像中咁强烈葱味，比较温和吧，肉都几鲜味同多汁，唔驶腌肉都够好味。Chaochao饺子$23（8只）：人气no.1果然系必点嘅！虽然系简单菜肉饺，但可能用料新鲜吧，食落特别好食，一口一只停唔到，但一排饺子痴埋一齐，分开嘅时候好易整烂皮。洋葱饺子配山芋芥末蓉$52: 我超钟意呢款饺子，白色果堆山芋蓉有啲滑潺口感，系香港好少食得到，里面有洋葱同菜混合，整体感觉好清带甜，芥末唔会太辣。朱古力饺子配红豆雪糕$42: 估唔到饺子仲可以做埋甜品，将饼