影片
更多
2018-01-21
2902 浏览
我地系度宣布，屈小姐跟左赖生2年啦！！咁重要既日子，当然要食好西庆祝！由于寻日已经预早食左1餐庆祝，今晚就去食番一餐有情意结既食物，就系食饺子啦！而《北方饺子源》就系以前赖生同屈小姐一齐做野既公司附近既一间饺子舖，系食Lunch既时候，2位好锡屈小姐既上司经常带佢去食（好可惜当时既赖生唔系成日系呢头做野呢，而且仲未有勇气去邀约屈小姐食Lunch)所以今晚我地又番到黎！回味一下当初既味道同那些年工作既点滴一打开门，其实已经好多人坐系入面啦，睇黎好似好受欢迎咁㖞，唔怪得屈小姐之前成日食啦，不过舖头唔算太大，又有咁多客，所以佢地用细枱，坐同埋放野食都会逼d，而餐厅仲用左好多中国古代风格既装饰，古代既味道好浓厚！我地2个就埋去坐系附厨房墙边既一个2人座，坐低之后，系屈小姐主场，当然由屈小姐发办啦！结果我地2个人就叫左5样野 - 香辣牛肉米线、鸡丝粉皮、白菜猪肉饺、京葱羊肉饺同素饺，摆满晒张枱，揾位食都有d困难😂😂😂！1）白菜猪肉饺 ：5⭐️咪睇少呢度既白菜猪肉饺，我地相信佢系呢度吃咁好生意既主要原因之一！白菜猪肉饺周围都有得食，点解偏偏要黎到呢间食呢？因为呢间既白菜猪肉饺系佢既Signature
由于寻日已经预早食左1餐庆祝，今晚就去食番一餐有情意结既食物，就系食饺子啦！
而《北方饺子源》就系以前赖生同屈小姐一齐做野既公司附近既一间饺子舖，系食Lunch既时候，2位好锡屈小姐既上司经常带佢去食
（好可惜当时既赖生唔系成日系呢头做野呢，而且仲未有勇气去邀约屈小姐食Lunch)
所以今晚我地又番到黎！回味一下当初既味道同那些年工作既点滴
一打开门，其实已经好多人坐系入面啦，睇黎好似好受欢迎咁㖞，唔怪得屈小姐之前成日食啦，不过舖头唔算太大，又有咁多客，所以佢地用细枱，坐同埋放野食都会逼d，而餐厅仲用左好多中国古代风格既装饰，古代既味道好浓厚！
我地2个就埋去坐系附厨房墙边既一个2人座，坐低之后，系屈小姐主场，当然由屈小姐发办啦！
香辣牛肉米线、羊肉饺、白菜猪肉饺、素饺、鸡丝粉皮
$192
157 浏览
1 赞好
0 留言
结果我地2个人就叫左5样野 - 香辣牛肉米线、鸡丝粉皮、白菜猪肉饺、京葱羊肉饺同素饺，摆满晒张枱，揾位食都有d困难😂😂😂！
1）白菜猪肉饺 ：5⭐️
咪睇少呢度既白菜猪肉饺，我地相信佢系呢度吃咁好生意既主要原因之一！白菜猪肉饺周围都有得食，点解偏偏要黎到呢间食呢？因为呢间既白菜猪肉饺系佢既Signature ，香浓多汁，将白菜既中和猪肉既油腻，又帮助猪肉提升肉味同香气，加上饺子皮烟韧，基本上醋都唔驶点，就超好食！点醋反而仲觉得遮到原本既美味呢！赖生一食就觉得呢度既白菜猪肉饺系我地食过咁多间出色既饺子舖既No.1
2）京葱羊肉饺：4.5⭐️
至于羊肉饺，都系我俩既至爱之一，自从一食过羊肉饺之后，假如饺子店有供应羊肉饺，我地都会试下！
呢一间既羊肉饺都系好食嫁，一d都唔膻，虽然未到《京x饺》既爆汁同羊肉味咁浓，但佢都唔惹小下，羊肉依附住葱香，肉汁亦丰富，啖啖羊肉味!
3) 素饺：2⭐️
虽然睇黎呢间舖头既主打系饺子，但唔代表每款饺子都系出色既，呢碟素饺就系俵俵者啦，我地一食完，除非系浮现黑人问号既表情，对耳仔仲听到坤仔唱歌⋯⋯大家都爱普通没传奇，大气候要清淡而无味⋯！ 食落真系无乜味，唔似出面既素饺有份清甜，最后，赖生包起左呢碟素饺（好彩叫左5粒就算），赖生点醋加辣酱就KO晒
香辣牛肉米线
$48
83 浏览
0 赞好
0 留言
4) 香辣牛肉米线：4.5⭐️
上次系度食过碗饺子面，依稀记得面既质感一般，今次就决定叫碗米线食，而且我地已经叫左3款饺子啦，所以就决定叫碗饺子以外既野食 - 香辣牛肉米线啦！
想不到转左食米线果真好食好多，米线够晒滑，不过都要归功于香辣牛肉，成碗汤除左香味扑鼻之外，牛肉味同辣味都好自然地混埋一齐，既有牛肉味又带适宜既辣度，唔会得死辣！而且牛肉好淋好入味呢。唯一一样要弹既系有d牛肉肥左d，不过由于比想像中既好味，连屈小姐都忍唔住食左几旧
鸡丝粉皮
97 浏览
0 赞好
0 留言
5）鸡丝粉皮：2.5⭐️
第一次食鸡丝粉皮系除左麻酱之外，仲有醋同香料，所以味道有点过份复杂，恕我地唔识欣赏！鸡丝相对比较粗，而青瓜丝份量又好似少左dd，不过粉皮就够滑同多，补番啦
总结：
《北方饺子源》呢个舖头名已经开宗名义讲左你知，佢舖头最得既系饺子，但有点要留意，佢地系卖山东饺子既，即系唔带汤，点醋食果只，山东人包肉饺子系出色既，肉味鲜明，特别系羊肉既处理系唔错既，至少唔会膻！但结果系新式既饺子例如：素饺的话，就相对大大失色！我地建议都系试肉饺子为妙！
至于其他既出品，钟意食咩既，就即管出去试一试，可能碗好似碗香辣牛肉面咁有惊喜，就算失望都好，总会有饺子抚慰你既舌头，赞叹你既勇气！
#2周年快乐
#饺子迷
#爱吃饺子都是因为妳
#有妳的每一餐都很完美
#谢谢妳一直以来的陪伴
张贴
