餃子縣餃子專門店 (已結業)

每隔一段日子，总会有一舖饺子瘾起，今日黎开旺角，原本谂住去某小食店买卤味食，系途中发现呢间饺子舖，条瘾又起喇。今日叫咗我最喜欢嘅香菇粟米饺，饺子皮薄，内里馅料充足，猪肉馅够多汁，配埋鲜甜嘅粟米，都几好味。略嫌失望嘅系汤底，只系普通嘅清汤，如果可以花多少少心思落个汤底度会更好。酸辣粉味道唔错，配料只有简单嘅肉碎及花生，薯粉吸收晒酸辣汤底后好惹味，但个人认为唔够辣，可以再辣少少。另外叫咗一份鸡丝粉皮，面头铺满青瓜丝，麻酱略嫌太淡，唔够芝麻香味，相比起其他餐厅嘅鸡丝粉皮，呢度嘅味道唔太足够。