甜記餃子

营业中

休息中

第一次食甜记系喺公司叫外卖，觉得好好食！上个月试咗长沙湾店堂食，今次就试下太子店堂食。太子店装修简约日系，喺门口睇以为系食甜品。比长沙湾店大，坐得比较舒服。汤饺、煎饺都好食😋 今次系下午茶时间，唔算好肚饿，叫咗8只煎饺，加樽豆浆。煎饺8只 $48🥟南瓜忌廉鸡肉饺必叫！每次食甜记都会拣呢只味，南瓜蓉超绵密鲜甜，鸡肉馅比较健康，每只饺子都馅料十足。煎饺皮唔会太厚，内馅有汁唔干，加埋忌廉令馅料更creamy，好好食！🥟洋葱薯仔牛肉饺又系馅料饱满大大只，洋葱清甜多汁，牛肉、薯仔都食得到，味道几夹，几juicy。甜记嘅辣菜脯好惹味爽口，同煎饺系绝配👍🏻 我食咗两小碟🤤🥛豆浆 $12正正常常，唔会太甜。