影片
更多
2017-03-17
1442 浏览
今日同朋友系西环谂紧食咩好，行过见到呢间北方饺子源，好耐之前系筲箕湾东大街食过，印象中都几好食，就决定试下西环呢间系咪同筲箕湾果间一样咁好食。餐牌有好多唔同既水饺、煎饺、饭面同小食拣。我地就叫左四川担担面，五香牛展饭同蒜蓉白肉。四川担担面既面底系上海幼面，面质弹牙；至于汤底就非常浓味，重辣味而冇咩花生味。由于汤底味道偏咸，食完会觉得好口渴。个人比较钟意花生味比较重既担担面汤底，所以觉得一般。五香牛展饭都几大碗，每片牛展既厚度都好平均，肉质口感松软，筋位有嚼劲，唔会太过轫，而且腌得好入味；另外自家制既酱料亦非常香口，带点微辣。鲜肉韮菜饺既饺子皮厚薄适中，而且好有嚼劲。入面既猪肉韮菜馅料好足，猪肉同韮菜既比例啱啱好。猪肉既肉质嫩滑，入味得黎唔会太咸，一咬落去充满住肉汁；加上啖啖韮菜碎，韮菜味浓又唔会好重青味，果然黎到饺子源最好食既始终都系饺子。最失望既系蒜蓉白肉。蒜蓉白肉既酱料系同五香牛展饭系完全一样味道既，唯一既分别只系加多一堆蒜蓉落去。腩肉片既份量好多，但系食落又嚡又干，而且肉片切得好厚，食落又好轫。另外酱汁同蒜蓉既份量就好少，完全唔够用黎捞腩肉，食到最后只系得返好多完全冇汁既腩肉，完
餐牌有好多唔同既水饺、煎饺、饭面同小食拣。我地就叫左四川担担面，五香牛展饭同蒜蓉白肉。
四川担担面既面底系上海幼面，面质弹牙；至于汤底就非常浓味，重辣味而冇咩花生味。由于汤底味道偏咸，食完会觉得好口渴。个人比较钟意花生味比较重既担担面汤底，所以觉得一般。
五香牛展饭都几大碗，每片牛展既厚度都好平均，肉质口感松软，筋位有嚼劲，唔会太过轫，而且腌得好入味；另外自家制既酱料亦非常香口，带点微辣。
鲜肉韮菜饺既饺子皮厚薄适中，而且好有嚼劲。入面既猪肉韮菜馅料好足，猪肉同韮菜既比例啱啱好。猪肉既肉质嫩滑，入味得黎唔会太咸，一咬落去充满住肉汁；加上啖啖韮菜碎，韮菜味浓又唔会好重青味，果然黎到饺子源最好食既始终都系饺子。
最失望既系蒜蓉白肉。蒜蓉白肉既酱料系同五香牛展饭系完全一样味道既，唯一既分别只系加多一堆蒜蓉落去。腩肉片既份量好多，但系食落又嚡又干，而且肉片切得好厚，食落又好轫。另外酱汁同蒜蓉既份量就好少，完全唔够用黎捞腩肉，食到最后只系得返好多完全冇汁既腩肉，完全冇味。仲要一碟蒜蓉白肉既价钱仲要同一碗四川担担面相若，一啲都唔抵食，下次真系唔会再叫。总括黎讲下次黎到饺子源都系食返饺子最稳阵啦。
张贴
