山東餃子館 (已搬遷) 新店位置

陪朋友去太子花墟旁边的运动场打完球，唔肚饿但系又想食少少野，于是就系附近揾嘢食。突然见到呢间山东饺子馆🥟，感觉好似唔错就决定入去～店铺几简单企理，无花巧的装潢反而真系有几分山东的朴素感。🥟饺子当然一定要点，有好多款口味可以俾客人拣，而且有双拼口味可以选择，就算有选择困难症都唔使怕～我点左津白鲜肉，里面的馅料非常多，一咬落去汤汁都会流出黎，而且饺子皮算几薄，真系名副其实皮薄馅靓。朋友点左京葱羊肉，连我呢个唔钟意食羊肉既人都觉得好香，唔会有好大阵羊骚味👍🏻 而且好多餐厅的饺子馅肉都会切得好碎，但系呢度既馅料真系可以咬到，令到成个口感更加丰富～🤩