餃掂手工餃子雲吞專門店

今日见完客忙到七彩，所以嗱嗱临见到间饺子铺就冲入去开饭就算啦，首先见到隔离枱系十只十只饺子咁嗌，我都怕同男朋友食唔晒，不过见到卖相非常之靓所以我哋都试试。男朋友系韭菜猪肉嘅超级粉丝，所以我哋就嗌左韭菜猪肉煎饺，另外就粟米猪肉煎饺，虽然时间要耐少少，但真系知道佢即场煎，皮薄馅靓仲要好多馅添，另外我哋一人嗌左一个面，我就嗌左凉拌面，即系辣辣地又有芝麻酱呢啲特别醒为嘅面，佢个辣酱亦都调得非常之好食，男朋友就嗌咗个寿喜烧牛肉汤饺子，寿喜烧牛肉亦都系有惊喜，虽然我哋系用汤食，饺子入边嘅肉质非常之饱满，而且仲好香牛味，真系意外地揾到一间饺子世外桃源。