餃掂手工餃子雲吞專門店

呢间餐厅开左一排，成日都好长龙，今日终于约埋班同事一齐试下。餐厅唔算多位，十二点三左右到都要排一阵，我地5个人应该等左十五分钟左右就有枱。我地五个人叫左五款饺子加一份四川凉面一齐食。四川凉面有啲炒花生同麻酱加埋都几香口灼至尊松茸猪肉饺(大碗)因为系灼，所以汤系另上。好香嘅松茸味，但食落都有啲淡。个汤又真系无咩味精，系唔错嘅！粟米猪肉饺都几大只，大碗有十只食完都有啲饱！ 粟米同猪肉比例相若，比松茸香甜啲！椰菜云耳猪肉饺清淡得黎加埋椰菜嘅爽口，又健康又好食。果道都算淡我地嘅焦点放在煎芝士饺同韮菜猪肉饺度！芝士饺其实唔多芝士，不过即叫即煎，所以非公上枱都仲系流心同脆！！最惊喜系芝士饺都有粟米咖，唔会好漏！韮菜饺就同平时食果啲差不多，但好多韮菜！整体黎讲，煎软心芝士饺最吸引！喜欢清淡嘅都可以试下椰菜云耳饺同粟米饺。 松茸饺则有少少名过于实，不过一试无妨。