餃掂手工餃子雲吞專門店

今日出湾仔，感觉自己唔太想食咁多碳水化合物，所以就食饺子~最钟意食汤饺，所以嗌咗10只大白菜猪肉饺配状元九鼎汤~咩系状元九鼎汤呢？我都几好奇~饮咗一啖，味觉笨拙嘅我净系饮到好浓嘅粉葛味，仲有一种清新嘅薄荷感，感觉既温和又醒神！上网查一查，原来配料有：粉葛、扁豆、赤小豆、陈皮、蜜枣、鲮鱼、鲗鱼、排骨同红萝卜~（睇嚟阵薄荷感应该系陈皮嚟~）水饺实在可以用皮薄馅靓嚟形容~真系饺子皮一啲都唔厚唔粉，薄到我察觉唔到咁济，令馅料好突出~出面食饺子，白菜通常都好软好霉嘅感觉，但呢到嘅白菜，切成一小块一小块，好新鲜好爽脆，食落sapsap声，完全唔系普通绿叶，而系成为咗成只水饺一个好大嘅点缀！猪肉都好软嫩，冇咩腥味，粉红粉红的，好可爱~