餃掂手工餃子雲吞專門店

香港要揾间无味精既餐厅真系难🍴呢间已经有几间分店既「饺掂」就系其中一间，而且佢地仲好特别系主打松茸饺，一定要嚟试下！所有饺都系即叫即整既，叫水饺都会另外附上无加味精既状元九鼎汤，味好够仲可以饮晒佢都唔怕颈渴👍🏻今日就食至尊松茸饺同龙鳯松茸双灼饺，饺子大小啱啱好。至尊松茸饺包既料就只有简单既猪肉同松茸，但松茸好香好重，馅料方面都唔算吝啬。店员跟一个辣酱上既，点咗酱之后个辣辣地仲好食！龙鳯松茸双灼饺系黑松露同白松露饺😋从个饺子皮外就已经睇到有d黑松露系到，龙鳯饺咬开之后都会有好强既松露味岀晒嚟，有惊喜👍🏻仲叫咗18只重庆鲜肉云吞，只系$50非常扺食！有四个辣度选择，朋友唔食辣所以叫唔辣。嚟到之后食得辣嘅就可以自己加枱面有既四川辣椒酱，一样好惹味！😆小云吞一啖一粒，皮够滑。汤底好重蒜味，同埋睇相都知系好香芫茜味😂煎饺因为系即刻煎所以嚟得慢啲，外表煎到金黄色，咬落好脆口。呢只寿喜烧牛肉味，比较重口味一啲。馅料除咗牛肉仲有爽口既洋葱，所以食落d味好搭，口感极佳！店舖唔大，偶尔会睇到厨娘系厨房包水饺🥟呢到仲有其他麻辣小食同其他味既水饺，款式都算多。最紧要系佢系有大同中碗拣，多人嚟就食多啲，就算两个