餃掂手工餃子雲吞專門店 (已結業)

朋友系饺子迷，所以特登黎左呢间饺掂会一会佢既饺子。去之前睇左大家既食评，都推介佢既皇牌至尊松茸猪肉饺＋九鼎汤。所以一落单，谂都唔谂就叫左佢。好快就上菜！Ｄ饺子比我想像中大只同涨卜卜。先冇点酱咬左一啖，咁先试真佢个味啊嘛～　味道好清甜，系有松茸味嫁！饺皮唔会太厚又唔太薄，咬落都有口感嫁！点上佢既酱，可以将Ｄ味更加吊左出黎。饮番啖汤，好清淡，感觉好健康冇味精。可以系觉得食得好Ｄ饱或腻时，饮番啖清番个胃。净系叫个至尊饺梗系唔觉饱啦！我地仲叫左个白菜煎饺。外表煎得金黄，不过呢个既好味度就唔够至尊饺劲，可能前者太优秀啦～味道不过不失，不过胜左够多馅，相对会饱肚Ｄ～呢个四川凉面，份量就较少，不过以价钱计都尚算合理。佢有些少辣，可能我本人真系唔太食得辣啦。倒上麻酱就可以缓和Ｄ辣味，不过亦唔会令你有太大惊喜既面。最最最最令我觉得惊喜既反而系佢既伴菜：酸萝卜！！！佢真系好好食啊！！！！够酸够入味！完全食到停唔到口！而且亦有开胃作用！如果食清汤饺既，配上呢个，即刻可以令你既味觉享受多番个层次！同埋已经比较少有店铺会提供免费小菜比客人食了，完全加分！