餃掂手工餃子雲吞專門店

饺掂有好几间分店，之前食过其他分店，今次途经中环遇见饺掂，又即刻来左饺子瘾。呢间店对比其他分店店面略细，但位于兰桂坊附近，有好多外国客人。餐牌方面同其他分店都一样，各种饺子应有尽有，价钱也是一样的。一坐低，我已经落左个野生松茸素饺，另叫一碗状元九鼎汤，朋友就嗌左个龙凤松茸双灼饺，呢个系跟一碗状元九鼎汤。呢个状元九鼎汤口感清甜，不含味精，饮完一碗都唔够，再encore。松茸饺既菇味好浓好香，猪肉好弹牙，又唔会太肥。饺子皮薄馅靓，再加上辣菜甫，特别惹味。煎饺需时制作，但等咁耐都系值得。煎饺真系慢工做细货，皮脆馅好juicy，但唔会好油腻。