餃掂手工餃子雲吞專門店

今日食咗一间叫做「饺掂」嘅餐厅，唔知食完会唔会搞掂到我个胃呢？所以就去咗试了。我去咗湾仔店，喺mtr附近，好方便。呢度有多款唔同口味的饺子可以选择，亦都可以选择煎饺同埋汤饺。而每张枱都有腌萝卜比堂食嘅客人食，系任食嘅，食完好开胃，酸酸甜甜仲有少少微辣，好正！好啱我口味！到饺子方面，我叫咗 「至尊松茸猪肉煎饺配状元九鼎汤」松茸猪肉饺皮非常薄，一口咬落已经食到猪肉，猪肉馅料弹牙，好足料，饺子有好浓厚嘅松茸香味，再配上店家自制嘅松茸酱，点埋松茸酱，升华松茸嘅鲜香味道，香味突出饺子嘅鲜味，有非常之浓烈嘅香味。每款汤饺都配上状元九鼎汤，而至尊松茸猪肉煎饺系都会有状元九鼎汤嘅！状元九鼎汤主要材料有粉葛同赤小豆，入口有屋企人煲嘅老火汤嘅感觉，冇乜味精嘅味道，感觉好健康养生。