影片
更多
2016-01-06
750 浏览
无意中喺OPENRICE见到呢间舖头名，以为又一间玩食字嘅食肆，但本人素喜食饺子，见到佢以饺子为主打，梗系CLICK入去睇吓。见到有一样独家产品好吸引，决定去支持一下。 舖面厨房居中，座位分前后两个区域，装修简单光猛，松茸系高级食材，喺日本秋天当造时，更加系价比黄金。既然系主角，所以成间餐厅都挂满介绍松茸嘅资料。枱面有免费酸萝卜供应。既然嚟到，梗系要试吓招牌松茸饺。 松茸饺$65/8只配状元九鼎汤汤饺同汤系分开上，外表平平无奇，一咬落去既即刻吓亲，啲松茸味汹涌澎湃，浓郁香醇，但望落只饺子入面又见唔到松茸嘅踪影，即系已经将松茸绞至全碎，再混入猪肉嚟包。饺子汤汁唔算多，但半肥瘦猪肉嫩滑，饺子皮薄，极易入口。而且跟餐附送一碟仔独家松茸酱，味道如出一辙。食完只饺，依然齿颊留香。 状元九鼎汤，其实系粉葛鲮鱼鲗鱼汤，煲得够火候，饮得出无落味精，因为饮完无口渴头痛，甚至连盐都无落，客人可以自己加，汤味天然，同饺子一齐食好正气。 粟米鲜肉饺$38/10只配状元九鼎汤未食只饺，纯粹目测都见到用原粒饱满嘅粟米同半肥瘦猪肉包饺，食落嫩滑，饺皮够烟韧唔会一夹即烂。再点松茸
无意中喺OPENRICE见到呢间舖头名，以为又一间玩食字嘅食肆，但本人素喜食饺子，见到佢以饺子为主打，梗系CLICK入去睇吓。见到有一样独家产品好吸引，决定去支持一下。
舖面厨房居中，座位分前后两个区域，装修简单光猛，松茸系高级食材，喺日本秋天当造时，更加系价比黄金。既然系主角，所以成间餐厅都挂满介绍松茸嘅资料。枱面有免费酸萝卜供应。既然嚟到，梗系要试吓招牌松茸饺。
松茸饺
$65
62 浏览
1 赞好
0 留言
松茸饺$65/8只配状元九鼎汤
汤饺同汤系分开上，外表平平无奇，一咬落去既即刻吓亲，啲松茸味汹涌澎湃，浓郁香醇，但望落只饺子入面又见唔到松茸嘅踪影，即系已经将松茸绞至全碎，再混入猪肉嚟包。饺子汤汁唔算多，但半肥瘦猪肉嫩滑，饺子皮薄，极易入口。
而且跟餐附送一碟仔独家松茸酱，味道如出一辙。食完只饺，依然齿颊留香。
状元九鼎汤
167 浏览
1 赞好
0 留言
状元九鼎汤，其实系粉葛鲮鱼鲗鱼汤，煲得够火候，饮得出无落味精，因为饮完无口渴头痛，甚至连盐都无落，客人可以自己加，汤味天然，同饺子一齐食好正气。
粟米猪肉饺
$38
63 浏览
1 赞好
0 留言
粟米鲜肉饺$38/10只配状元九鼎汤
未食只饺，纯粹目测都见到用原粒饱满嘅粟米同半肥瘦猪肉包饺，食落嫩滑，饺皮够烟韧唔会一夹即烂。再点松茸酱佐食一样好食，但由于珠玉在前，风味明显不及松茸饺。但仍然属于高水准之作。
除咗饺子，餐厅仲有提供面食，不过我今次留肚食饺，无位再试喇。
P.S.老板刘生充满正能量同经营食店嘅热情，店内墙上挂满经营生意同待人接物之道。
张贴
