餃掂快線

之前都有食过佢其他分店，不过呢间就叫饺掂快线，入到去就变成咗自助模式，自己揾位然之后俾钱等嗌号码就可以食啦！至尊松茸猪肉饺 $120 12只饺子嘅皮真系好薄，咬开大家都睇到入边系啖啖都系肉而且唔系肥肉！就咁食觉得有少少淡，不过配埋佢比𠮶个酱就啱啱好！呢个酱简直系令到成个饺子升华咗去另外一个程度！个酱超级香，令到个饺子闻落好惹味12只对我嚟讲有少少多，不过又真系几好食！所以最后我都系成功食晒12只唯独美中不足就系个纸碟会黐住啲饺子皮，不过冇计啦因为而家要走胶。蜂蜜柠檬薏米水 $28 因为呢几日天气比较潮湿，所以我就想试吓佢个薏米水顺便去湿。饮落酸酸甜甜咁都几好饮，而且个底都几多薏米。配煎饺仲可以清清热