影片
更多
2017-11-27
661 浏览
同朋友去开红墈，话想食饺子，见到呢间好似唔错，好似系日本开系香港的分店，于是来试下!去到未系好多人，见过咁多款饺子酱料已经好肚饿啦 我地点左生姜饺子、淡路岛洋葱饺子同埋明太子薯仔饺子棒，生姜饺子姜味重，岩晒中意食姜的我。淡路岛洋葱饺子就甜甜地，加小小味噌酱汁简直一流! 薯仔同明太子既配搭好夹，好似食紧薯仔沙律个种好饱肚既口感，而且明太子亦唔会好似一般出面食既太咸，系三款饺子最好味既一款。净系食饺子紧系唔够饱啦，主食我地食左牛筋豆腐主饭同埋日式牛筋沾乌冬，牛筋汁系𩠌饭一流既选择，豆腐同牛筋都非常之入味不过牛筋唔系话好多筋，主要系肉多，炆得唔算好淋，同埋份量就偏少左D 不过乌冬就好惊喜，热辣辣又弹牙，口感无得弹!朋友话好耐无食过炸鸡，见Menu有于是试埋，炸鸡既外皮粉浆比较厚，虽然鸡肉都算嫩滑，但系粉浆比例令到整体味道减分。食炸鸡食到热辣辣，我就饮番杯柚子梳打，杯梳打唔会太甜，滋润又好饮。其实仲有好多款饺子未试，下次再来Encore!
去到未系好多人，见过咁多款饺子酱料已经好肚饿啦
我地点左生姜饺子、淡路岛洋葱饺子同埋明太子薯仔饺子棒，生姜饺子姜味重，岩晒中意食姜的我。淡路岛洋葱饺子就甜甜地，加小小味噌酱汁简直一流! 薯仔同明太子既配搭好夹，好似食紧薯仔沙律个种好饱肚既口感，而且明太子亦唔会好似一般出面食既太咸，系三款饺子最好味既一款。
净系食饺子紧系唔够饱啦，主食我地食左牛筋豆腐主饭同埋日式牛筋沾乌冬，牛筋汁系𩠌饭一流既选择，豆腐同牛筋都非常之入味
不过牛筋唔系话好多筋，主要系肉多，炆得唔算好淋，同埋份量就偏少左D
不过乌冬就好惊喜，热辣辣又弹牙，口感无得弹!
朋友话好耐无食过炸鸡，见Menu有于是试埋，炸鸡既外皮粉浆比较厚，虽然鸡肉都算嫩滑，但系粉浆比例令到整体味道减分。
食炸鸡食到热辣辣，我就饮番杯柚子梳打，杯梳打唔会太甜，滋润又好饮。
其实仲有好多款饺子未试，下次再来Encore!
张贴
