餃餃餃子 (已結業)

本身对饺子冇乜兴趣，但朋友仔带我去试吓日式饺子，原来别有一番风味。店内红色为主，好缤纷。餐牌的设计亦比较多元化，令人睇见就开始流口水。净系酱汁都有好多款，饮品亦唔马虎。点左一客明太子饺子，同埋蟹肉海老特长饺子。饺子唔能够当饭食的我，当然亦点左个沾乌冬。特长饺子真系超级长！每一啖咬落去都有啖啖蟹肉鲜虾味，好精彩。明太子饺子的口感就比较Creamy，同平时食到的饺子好唔同。沾乌冬都几够份量。牛筋炆得好腍好入味，有少少微辣，非常惹味的。朋友点左一口饺子都几得意，真系啱啱好一啖一个。其他食物睇落都唔错，朋友仔都几满意。整体而言，呢间小店都几有新意，制作亦几认真。如果食厌了传统日本食物，又唔钟意中式饺子，或者日式饺子会系一个唔错的选择。