檀島咖啡餅店 (海悅豪園)

营业中

休息中

中午时间黎亲，通常都要等位，竟然今次一黎即有位。檀岛虽有唔会套餐，其实黎黎去去都只系得面类或小食，有时我都想系呢到可以有饭食下。我就拣左是日套餐o既黑椒叉烧猪扒炒意粉，朋友就拣精选套餐o既香草鸡肉忌廉炒意粉。黑椒叉烧猪扒炒意粉:虽然系话配黑椒炒，一啲都唔觉有乜黑椒味，完全唔辣。意粉炒得都算几干身，o岩晒我平时少油o既习惯。意粉用左豉油炒，带少少咸味，都OK。叉烧同猪扒都差唔多味，两者主要靠豉油入味而已，肉质都算松软。仲配有彩椒同冬菇丝，令成碟意粉唔驶咁 dry 。意粉份量算少，我食完都好似冇乜野落过肚咁。香草鸡肉忌廉炒意粉:忌廉汁真系好 creamy，系呢度食咁多款，最好味汁酱，如果啲汁再杰啲就会更好。鸡肉就有啲雪味，味道一般而已，都系靠忌廉汁吊味。意粉仲配有彩椒、蚝菇丝同洋葱丝，意粉就fresh 好多了。热奶茶: 够香滑，够茶味，唔涩。