養心殿台式養生鍋 (已搬遷) 新店位置

为咗捉住冬天的尾巴。就紧系要打返个麻辣边炉，今次就去咗喺鹅颈桥附近嘅养心殿。去到门口就已经闻到香喷喷嘅香辣味，睇嚟冇去错地方。锅底款式数目都算多，而今日就试下个麻辣小辣汤底。小辣嘅材料都唔简单，成个汤底都系红卜卜嘅灯笼椒同紫天辣椒，仲有鸭红，冰豆腐。海鲜拼盘份量唔多，但胜在够新鲜。活九孔鲍鲜甜，活大海虾上枱仲郁郁吓，同埋带子大只又爽口。手打蟹籽墨鱼滑蟹籽铺满喺晶莹剔透嘅墨鱼滑上面，食落墨鱼味重仲带少少蟹籽甜味。黑豚梅头肉片，黑豚梅头肉嘅肉质爽口，脂肪比较平均。栗米打麻辣边炉我会比较钟意打栗米，因为栗米芯吸收到麻辣汤底嘅味道，又唔会影响到栗米原本嘅味道。最紧要系栗米食落，唔会搅到成口汤油，食落健康啲。水晶粉烟烟韧韧嘅水晶粉，加埋麻辣汤底，食到流晒汗，都要坚持，因为太好味啦。