養心殿台式養生鍋 (已結業)

又黎食呢间好出名既养心殿台式养心火锅，一入到去，有种怀旧既气氛，装修精致。上次试左美人锅，今次一于试下宁神养心锅，个锅好大锅，先饮左汤先再打边炉，d汤非常香甜，入面仲有好大只鸡同鱼。d鸡好香好滑，跟汤饮好好味。其实食完d鸡同鱼都已经饱饱地，个汤底入面好足料，绝对值168元。饮完汤就打边炉，叫左极上雪花肥牛，蟹籽墨鱼滑，响铃同菜。极上雪花肥牛，入口牛肉味浓郁。墨鱼滑十分弹牙及鲜甜。最后叫左个宽粉条，口感好特别，出面食唔到，黎到养心殿一定要试呢个。