養心殿台式養生鍋 (已搬遷) 新店位置

呢度嘅设计风格，座位安排，食具选择都算用心，有置身秦朝王宫，兵马俑伴食感觉。汤底并唔系一般清汤，沙嗲，芫茜，所以都有啲样样都想试嘅冲动。坊间如果要拣特别汤底通常都只限一款，还好呢度可以试两款。今次拣咗麻辣同美人，下次就再试其他啦！麻辣锅可追加鸭血一次，本身对猪血有唔好回忆嘅我居然一试爱上鸭血。鸭血质地实净，完全无腥味，加埋麻辣汤底，令人欲罢不能，由配角变全餐主角。安格斯味道一般，反而黑毛猪更滑，香味更重。蛏子肉身厚大，爽甜。莴荀鲜甜，但略嫌份量偏少。宽粉面份量吓亲人，应该有三人份量。而附上嘅筛仔方便煮面好细心。鲜炸响铃纯粹座近炸炉见厨师新鲜炸作，贪心而叫，系香口，可惜太饱，未能细心品尝。而牛肉饺更见可怜，因为落漏单，上枱之时，而无心恋战，觉得味道未见吸引。