麵館皇 (已結業)

今日去信和见完个客，顺便喺铜锣湾食埋个 lunch 先返公司。谂住是亘食翠X搅掂算，比我经过呢间个招牌几得意嘅 Noodleholic，就一于入去试吓。因为12:00都未够，好彩都未有好多人，我一坐低就比佢个口水🐓手擀面吸引住，二话不说就嗌咗份。口水🐓嚟先，D鸡好大件，仲有D🥒垫底，都几大份。鸡好滑，肥而不腻，辣味够晒，又香又麻。特别之处系加左豆豉，香味更加有层次，真系唔错。个手擀面嚟啦，我冇谂过咁大窝！一嚟到就闻到好劲嘅药膳味，我问侍应，佢话系用咗莎参、玉竹、当归同杞子煲成，唔怪之得咁香！啱晒我呢D钟意食辣，又成日话要养生嘅港女！D面都好弹牙，手擀嘅真系唔同。加埋D黑木耳、椰菜同大葱真系好鲜甜，成窝比我食晒。我食到咁上下都陆续有人入嚟，五六十蚊有咁多野食，食料又用心，真系好抵，继续加油！