椰粉湯紅 (已結業)

今日朝早去左湾仔开会，顺便食个午餐先番屋企。湾仔有间餐厅「椰粉汤红」，主打养生炖汤。餐厅有素食菜式，又有健康五谷杂粮，的确岩哂钟意健康既人士。炖汤选择有好多，又有自家制凉茶。我今日午餐叫左套餐，肉类叫左无骨猪排，酱汁自选黑椒汁，主粮叫左彩虹饭。主粮有好多选择，有紫黄蕃薯、彩虹饭、白米饭、米粉。我就叫左比较饱肚既彩虹饭。彩虹饭由红米、白米、粟米制成，口感好丰富，有粟米甜味，饭粒好重米香。黑椒汁浓郁，入口唔会好重味道油腻感低，有黑椒辛香味道。无骨猪排厚切，入口肉感丰富，有肉汁好惊喜！猪排份量好大块，性价比高。我再加点时令靓菜，娃娃菜好清甜，翠绿即炒，咸香丰富。