養心殿台式養生鍋 (已結業)

今日系爷爷嘅生日，我地特登约咗养心殿同佢庆祝，等佢开心下。呢度系佢唯一赞过嘅餐厅，所以就拣咗呢度，希望佢钟意呢！我地叫咗个美人锅同养生锅，各有各特色。左边就系养生锅，系用咗好多唔同嘅药材同埋人参，所以好重药材味。而右边嘅系美人锅，系有原只乌鸡系入面，所以好香鸡味。我哋仲叫咗粟米，呢度嘅粟米唔知点解味道特别甜，而且仲好爽口。呢个就系盐酥鸡，佢炸得好香脆，而且粒粒分明，令到人停唔到口，所以系等个煲滚嘅时候最好就系叫佢。总括嚟讲，呢一餐饭佢食得好开心，环境又大又古色古香，睇得出装修落咗好多心机，食物质素都好好。