養心殿台式養生鍋 (已結業)

系马鞍山新商场开左呢间养心殿..朋友食过出面果d都赞好..所以一直想试下..今晚终于约齐朋友一试究竟...8点左右黎到..都几多人..但环境宽敞..每张枱都格开..坐得都几舒服..唔会好大阵味..好肚饿..首先叫左个鸳鸯汤底-酸菜白肉锅同美人锅..价钱就会按贵果个收..酸菜系秘制大白菜..唔系平时既咸菜..食落酸香..好特别..仲额外配多碟酸菜同白肉..好足料..个汤酸酸地好开胃..我饮完一啖又一啖..入面就有d QQ面..好弹牙..另外果个美人锅入面有好大只乌鸡同桃胶..仲有好多美颜既材料..清清地..都好味..肉类叫左御选梅花猪...薄切睇落好新鲜..卖相唔错..食落爽口弹牙..另外嘉美农场鸡肉..份量都几多..我地觉得饺子拼盘值得一试..因为种类都几特别..除左平时既韭菜饺.水饺..云吞..仲有麻辣牛肉饺同水莲饺..好少系第二度有得食..墨鱼丸同虾滑都有质素..食落都好新鲜..响铃都平时食既长..但又不失脆卜卜..仲有一个几特别既甜不辣..入面食到有芋头..感觉唔系平时果d..份量差唔多..4个人都食到捧住个肚走...