馬祖台灣養生湯麵館 (留仙街) (已結業)

台湾面不嬲都出名， 但养生汤面就真系比较少见， 爱好养生嘅我当然唔会放过呢间餐厅。餐厅距离天后地铁站大约一分钟路程，非常方便。台湾药膳农场醉鸡汤面，$56， 加两蚊可以转台湾手工面。 食得养生汤面个养生汤当然系重点， 食到好重当归，红枣同埋杞子嘅味道， 汤嘅味道非常浓郁， 作为汤面嘅汤底认真不错。 醉鸡同养生汤味道非常夹， 花雕酒将养生汤嘅味道进一步提升， 醉鸡件浸淫过养生汤之后亦都更加美味。店舖强烈推介嘅秘制辣酱。跟餐加26蚊 可以多一客麻辣白菜猪肉饺， 呢度嘅麻辣酱汁算系做得唔错， 白菜猪肉饺就有啲似某个码头嘅味道， 算系不过不失。