橫浜街場 (已結業)

早前去了旺角同朋友打边炉，位于弥敦道726号7楼的［横浜街场］🍲🍲餐厅环境宽敞，有电视机，落地玻璃窗更可以望到外面街景。餐厅提供多款任食套餐，我地拣左海鲜木桶餐，汤底系花胶螺头鸡锅。有大大件花胶，汤系奶白色，非常清甜用左特制木桶的火锅将汤过滤，一点都唔油腻好少打边炉会忍唔住饮碗汤先😅😅先来了海鲜拼盘，每人一份，有龙虾、广岛蚝、大虾、象拔蚌、刀贝，好丰富！当中以龙虾最吸引，新鲜弹牙鱼皮、响铃、墨鱼滑酿油炸鬼我地都系第一次试依个食法，几特别，不过油炸鬼渌过就变得太腍身。各种手工丸、饺，设计几有心思，唔会用现成急冻货。手工丸有安格斯芝心牛丸、西班牙豚肉黑松露丸、炸虾干墨鱼丸，当中黑松露味道唔系好突出，牛丸弹牙！饺类更是少见之款：韭菜饺、芫荽饺、西洋菜饺，味道非常浓，皮亦够薄！另外有一碟西班牙黑豚肉，肉质爽口软腍，不过只限一碟，再追加就要加钱喇！食到咁上下都饱左七八成，其他配料肉类、蔬菜仲可以无限追加，我地都只系食多碟菜同乌冬就饱哂！饮品除左汽水、茶，仲有啤酒任饮！最后店员眼见我地食到咁饱，仲好贴心问我地要唔要甜品，当然要啦！系牛奶布丁