榕記車仔麵 (已結業)

妈咪钟意食车仔面，今日特登同佢嚟食呢间未试过嘅车仔面。一入到去觉得餐厅环境好卫生，装修得好靓，见到墙身用红砖铺成，而且挂咗几架单车做装饰，心谂呢度嘅老板应该系几钟意踩单车，墙身都挂咗好多唔少明星嚟食嘢嘅相，一开始对呢间餐厅已经有几好印象。我自己嗌左个四𩠌车仔面，汤底拣咗金虫草野菌养生汤底，碗汤底一饮觉得好清甜，完全唔系味精汤嘅味道，连汤嘅配料例如虫草花同埋合掌瓜都有，可以一路饮汤一路食面，感觉好养生，今次系我第一次饮晒面嘅汤底👍至于车仔面𩠌，我拣咗百叶豆腐，酱爆福州丸，鱼肉春卷同埋柱侯牛腩，百叶豆腐质感好特别，好似鱼蛋，但系又充满豆味，识落好得意，柱侯牛腩炆得好入味，而且够林，食落一啲都唔痴牙，酱爆丸够大粒，食落去有好多汁漏出嚟，符合期望。鱼肉春卷啖啖鱼肉，食落唔错。嘢饮拣咗豆浆，豆浆饮落有香浓豆味，又唔太甜，热辣辣好好饮，对于我呢啲好钟意饮豆浆嘅人来讲觉得值得一赞。妈咪拣咗海南胡椒猪肚汤底嘅四𩠌车仔面，胡椒猪肚汤底有少少辣，但系唔刺激喉咙，反而有种暖胃嘅感觉。佢比较传统，拣咗车仔面必有嘅猪皮，猪大肠，陈皮鱼蛋同埋豉汁凤爪，猪皮好爽口，想一食再食，猪大肠冇臭味冇腥味，食落唔会太肥，对于