養心殿台式養生鍋 (已結業)

今年立秋后第一次打边炉,选择左台湾好Hit嘅养生火锅。选择汤底是已经令我有选择困难症,每款汤底都有唔同养生功效,款款汤底都想试。由于朋友仔想食麻辣火锅,所以鸳鸯汤底其中一款就选择左台式麻辣汤底,香料非常之足够而且亦有麻辣香,仲额外送一份鸭血。另一款汤底我选择左宁神养心锅,依款汤底非常滋补,用左鲜鱼同乌鸡加上药材煮制而成,非常鲜甜,正式开餐前我都饮左两碗。一个拼盘可以一次过试晒六款手工丸,有鹅肝墨鱼丸,黑松露虾丸,芝士牛肉丸,梅菜猪肉丸,墨鱼丸同虾丸。我最钟意嘅就系黑松露虾丸,黑松露香气突出,食完齿颊留香。酒香白肉系比较少见嘅肉类选择,经过酒浸嘅猪腩肉,食落渗出淡淡酒香。日本山药水份高,食落细嫩。用嚟打边炉都相当唔错。脂肪同肉嘅比例啱啱好,食落非常嫩滑,而且重肉味。