二撇雞

营业中

休息中

观塘友知我平时少汤水，推介我黎#二撇鸡，佢话呢间开咗一个月左右，厨司是酒店级人马，佢话中午黎都要排队买饭，皆因佢真系平靓正。好饮返碗花胶鸡汤补下, 于是即刻约咗佢黎食番餐。呢间小店主打鸡, 有花胶鸡汤, 可配搭米线、米粉同上海面, 好味又养生。 另外仲有、秘制口水鸡, 海南鸡, 胡椒猪肚…尚有鸡丝粉皮, 好撚脆…惹味小食等唔同选择。 老友之前试过鸡， 故今次佢点了番茄肥牛配米线，番茄蓉的浓底很香浓。我点了花胶汤走面，因又想饮汤，又想食佢嘅麻辣担担面😛。花胶汤果然好正，虽然薄薄的，但都有4片，花胶有丰富胶原蛋白，可以补充蛋白质，亦有助滋阴润燥，佢嘅价钱非常之公道。麻辣担担面- 先辣后麻，辣度适中唔会呛喉，面质比较淋身。 小食-海南鸡，鸡香味浓郁，鸡肉的确做到肉质嫩滑，钟意食鸡的朋友一定要黎食下啊。