好茶養生 (MOKO新世紀廣場) (已結業)

今日嚟旺角MOKO行街，有少少肚饿就嚟食个轻量下午茶，店如其名，除咗常见嘅手摇饮品，主打系养生茶，有不同功效，如果试过啱饮仲可以买返去冲嚟饮。王牌养血茶材料丰富，有桂圆、红枣、千日红、康仙花、冰糖、金盏菊、玫瑰花、黑枸杞，具补血补气、调经止痛、理气散瘀、暖宫驱寒的功效，系女士恩物，唔会好甜，红枣等材料都可以食埋。🌹玫瑰荔枝慕丝蛋糕🍰外型做到好似玫瑰花咁，里面系荔枝啫喱，酸酸甜甜带少少玫瑰香味，甜度适中。🍓士多啤梨千层批千层皮酥脆，中间忌廉都几细滑，如果上面系原粒士多啤梨再沈少少糖霜做到好似落雪嘅效果就更完美。🍊🍍🍎🥒水果茶水果茶味道比较淡，用嘅水果种类有橙，干菠萝片，青瓜，热情果，不过份量太少，未能突出水果鲜味，茶味反而比较浓，但整体味道清甜，生津解渴。