盈記四季養生麵館

营业中

休息中

出街食饭食得多都想食得健康啲，湾仔呢一间米线店主打养生药膳鸡米线，啱晒想养生食得健康嘅人。药膳农场鸡虫草花养汤米线 $65呢度嘅药膳汤药材味恰到好处，有少少又唔会太过浓烈，饮得到有啲红枣杞子嘅香味几鲜甜，同鸡一齐食味道好夹。鸡嘅部份又分得几匀循，有一件鸡髀位置、一件鸡翼位置、同埋有啲胸肉，肉质OK唔会干鞋。米线煮得几软滑，配埋虫草花爽爽滑滑一齐食几顺口。药膳农场鸡厚花菇养生汤米线 $68其实呢个汤底同虫草花𠮶个汤底大同小异，只不过呢个配料转左有大花菇，冬菇肉口，爽滑菇味浓郁，口感几好。鸡肉都系一样有齐几个部位，唔同嘅人口味都照顾到。红油抄手 $36饺子正常味道，配埋个红油汁，一啲醋嘅香味同辣味加埋几开胃又几惹味。