尚鮮海鮮料理 (已結業)

呢度大厦有好多唔同嘅食肆，同朋友喺度任拣一间，结果选择咗呢一间尚鲜～ 以为打边炉都会系「佬」啲嘅格局， 但原来佢系行日式嘅～😊打边炉当然唔少得要点嘅酱汁啦！呢度有好多选择，总有一种啱口味！一睇menu超级惊喜， 多汤底选择之外， 仲俾我见到有养生汤！川贝海底椰炖鳄鱼排汤～ 一锅炖汤佢会先畀客人饮， 饮完汤之后， 会盛起里面嘅汤料 ， 里面有鸡、猪、鳄鱼肉 亦都有川贝、海底椰，见到佢真材实料， 真心欢喜 ！再之后就会加猪骨上汤 ，作打边炉之用！刺身四式～ 当中要highlight嘅系带子！ 巧妙地用柠檬带起带子嘅鲜味，口感清爽，用嚟开胃啱哂！五味豚拼盘～ 有五种猪制品， 放喺个靓靓盘上面，非常吸引！ 当中有猪红 猪肉片、 肠猪皮、 猪皮、 猪肾，各式其式任君选择！ 猪肉片肥瘦参半，合符完美比例，而猪红一啲都唔腥！百花酿油条～ 用虾胶酿咗落油炸鬼度，新鲜炸起脆卜卜！脆响铃～ 非一般来货嘅货色，比较粗身大条！羽衣甘蓝～ 呢个菜都系superfood ，有益好味，有得点呢个菜，绝对系啱晒我！ 菜最容易吸晒啲汤， 食落特别好食！脆鲩鱼、脆骨腩～ 一向都钟意食鱼， 有啖啖肉嘅， 亦都叫咗有骨嘅！