MUM 日常野菜料理 (已結業)

近期肠胃欠佳，想食清淡啲又不喜中式酸甜斋菜，喺朋友带路下嚟咗逸东酒店地库，原来酒店中都蕴藏咗个平价food court其中呢间主打野菜料理，风格同muji cafe有啲相似。定食可拣三道或四道素菜，配有姜饭或五谷饭，加上味噌汤同麦茶，亦加+$10转杏仁奶或豆奶。定食卖相精致，每一份份量刚好，清而不饱滞，点到即止。柚子醋腌蕃茄酸中带甜，蕃茄稔软，冰凉开胃；信田卷外在腐皮酥软，夹有湿润带汁嘅荀条、萝卜、豆角，馅料丰富，爽脆清甜；关东煮有蒟蒻、红白萝卜及冬菇，非常入味。配上软硬适中、口感烟韧嘅五谷米同汤料丰富、咸度适中嘅味噌汤，估唔到素食都可以咁讲究咁有质素，不失为健康养胃好选择