養心殿台式養生鍋 (已搬遷) 新店位置

几个朋友出黎，打个边炉真系走唔甩。约咗两个月嘅好友今晩终于齐脚喇，地点拣喺中心地带旺角间分店，六点去到冇乜人，走𠮶时就见满晒座。坐低个侍应问我地有冇Like飞卜，话Like咗有饮品送，咁梗系即Like啦喂～靓女嚟架嘛，唔洗谂梗系要试美人锅啦～睇下汤底原来有桃胶、乌鸡、杞子、南枣，睇倒都觉得有美颜作用，滚起饮番几碗真系唔少得！叫咗碟极上雪花肥牛，颜色劲靓，脂肪分怖啱啱好，入口有即溶感觉，坚正！因为有朋友唔食牛，所以叫碟梅花猪比佢食，我都试咗块，好嫩口又几好食㖞～有即炸响铃呀，唔系唔叫吓化，拖一拖汤会失真，识食梗系就咁食…好松脆好好食呀芝士牛肉丸好新鲜，唔系机制𠮶种，芝士又唔会抢咗啲肉味㖞自家制韮菜饺，啲皮好薄饀料迫爆只饺咁款，要小心啲夹啰墨鱼滑同虾滑爽口弹牙，唔系粉浆𠮶啲，啱晒我口味。其实酱汁调味可以唔洗点，食材新鲜个汤底足料啲嘢食都够晒味。