麒藝館 (已結業)

又到每月两次嘅facial日、新界牛难得过海出城嘅日子啦！铜锣湾一向属高消费地段，特别时代广场高层食肆，至少一餐人均$500，见于近期无几可出门，决定食贵少少奖励吓自己顺便支持本土经济麒艺馆主打花胶嘅中菜，就喺出名片皮鸭嘅鸭大哥旁。大门放置咗盘风水松柏，有和谐长青之意，如餐厅环境一样宁静祥和。入座首要当然系开茶，是日心水系香片。其一喜爱佢嘅清香，其次系见餐牌上写有美容养颜清肠之效，正好配合返本日养颜养身嘅主题。一向只识花胶按重量大小定价，原来品质亦有考究，以质量味道口感区分品质。以花胶入馔嘅凝胶冻，晶凝通透，从外就能见到内层满满嘅花胶，口感如桂花糕般爽滑弹牙。单吃能品尝到花胶原有嘅鲜味，鲜美独特而又不腥。旁边有同样制成丝状凝胶嘅喼汁，便于调节份量，酸而不浓嘅调味增令鲜甜进一步提升。牛肋骨摆碟精美，起得干净俐落嘅主骨放于一边，充满原汁原味酱汁浓厚鲜甜，略带微酸，惹味不腻；肉质松软入味，依附于肉间嘅脂肪软嫩黏滑，配上爽口嘅牛肝菌，简单嘅食材带出丰富滋味。