阿來客棧雞煲火鍋 (已結業)

铜锣湾站📍 阿来客栈-落雨最岩打边炉🫕，今次同朋友去食海底椰子鸡🥥养颜海底椰子鸡半只（$168）开始一定试下个汤先，好鲜甜滋润，淡淡椰香。鸡件肥瘦均匀，而且肉质几弹牙（不过就唔好煮太耐，太耐就会老身）。桂花蚌半份（$68）桂花蚌渌几十秒就食得，几爽口😋份量岩岩好。手打鲜虾丸半份（$52）共有4粒，鲜虾丸都几弹有张力，肉质唔会好淋。鲜滑牛半份（$48）呢个滑牛十分推荐，真系几嫩滑，牛味重。牛气冲天（$68）包括有牛腩、牛筋、牛舌、金钱肚，每款各有三片。牛筋、金钱肚都唔错，牛舌我觉得口感唔错，不过朋友就话有少少骚。牛腩就比较靭，要用多少少牙力。脆炸午餐肉半份（$32）午餐肉炸得香脆，每次边炉都必点（虽然平时自己都整到，但自己好少油炸😂）蔬菜方面，分别要左半份皇帝菜（$28）、半份唐生菜（$25）、半份莴笋（$28）同半份野生竹笙（$56）。莴笋几爽口，冇渣。竹笙吸晒汤既精华，打边炉一流👍🏻😋虽然食咁滋补既海底椰鸡配啤酒好似有d格格不入，但饮啤酒🍻打边炉就系爽😎一枝蓝妹（$35）两份share🤪酱料、茶芥每位$12，另有加一服务费。环境方面，餐厅装修简约明亮，最紧要张枱够阔落，坐起上黎唔会逼