城寨煲皇

营业中

休息中

🫶🏻城寨龙凤鸡煲翅(四人份量）呢个点止系边炉汤底，直情系靓汤，真系原只鸡放落去煲，仲有劲多只花胶，啲花胶仲要唔细只，骨胶原满满，浓香得黎又唔油腻，已经隔佐啲油，饮得放心，饮完再加清汤落去先打边炉！🫰🏻金箔活鱼刺身火锅店有刺身真系唔少见，但成日都好惊会整得唔好或者唔新鲜，但呢度真系好放心。刺身上枱果阵连埋鱼头，原条切好放出黎，每块鱼都切得好薄，薄薄一片好通透，鱼肉好鲜嫩，鲜甜可口，未饮啲汤就被我地清晒啲刺身啦！👍🏻花刁醉虾打边炉食虾好常见，呢度就花啲心思整佐醉虾，鲜虾用酒浸住，酒香渗晒落虾肉入面，鲜虾大大只，碌完出黎食就食到阵阵酒香，虾肉弹牙！👏🏻挂架牛颈脊牛颈脊口感爽嫩软滑，油花适中，牛味细致，打边炉最突出到啲牛味，质感又好，够晒嫩口！